Tengjum varmadælu við heimanetið

Gildir fyrir varmadælur með MAC-597 WIFI einingu.

Eftirfarandi varmadælur eru með MAC-597 WIFI einingu.

MSZ-LNXXVG2-SC3  
MSZ-FTXXVGK2-SC1
MSZ-AYXXVGK2-SC  

WIFI einingin er smellt inn í sæti á bak við framhlífina. Á henni ætti að standa MAC-597. Ef svo er, er hægt að nota leiðbeiningarnar hér að neðan. Ef ekki, þá nota …

1. Staðsetjið WI-FI eininguna

• Opnið hlífina framan á innitækinu og taktu út WI-FI eininguna.
• Hún ætti að vera hægra megin ofarlega .
• Framan á henni eru hnappar og ljósaröð og aftan á henni eru netupplýsingar sem þarf að nota til að tengjast.

2. Skoðið eininguna

• Takið WI-FI eininguna út úr vasanum (er í snúru) og skoðaðu ljósaröðina við brúnina á framhliðinni.
• Aðeins UNIT ljósið ætti að blikka hægt sem þýðir að hún er í frumstillingu.
• Ef ekki þá þarf að endursetja eininguna (sjá neðar).

3. Setjið Wifi eininguna í tengiham

• 
• Notið oddmjóan hlut til að halda MODE takkanum niðri í 6-8 sekúndur.
• Þá ætti gula MODE ljósið að byrja að blikka á 5 sekúndna fresti. Þá er varmadælan komin í tengiham.

4. Innskráning  á net varmadælu

• Opnið yfirlit yfir nettengingar í símanum og smellið á netið sem varmadælan varpar frá sér. Heiti þess kemur fram á bakhlið WI-FI einingar eftir SSID og ætti að byrja á ME, bandstrik og svo kóði.
• Smellið á netið til að tengjast og notið lykilorðið sem er eftir KEY.
• Þegar síminn tengist varmadælu gætu komið skilaboð um að nettenging sé ekki til staðar („No internet connection“) en það er fullkomlega eðlilegt.

5. Tengjast varmadælunni

• Opnið vafrarann í símanum t.d. Safari (Iphone) eða Chrome (Google) og sláið inn eftirfarandi slóð:

192.168.11.1/network

• Við það opnast heimasíða á varmadælunni þar sem beðið er um að fylla út upplýsingar um heimanetið (sjá mynd).
• Finnið heimanetið í listanum, sláið inn lykilorðið inn á netið. Að óbreyttu er það aftan á beini (router).
• Samþykkið og þá tengist varmadælan heimanetinu.

6. Staðfestu tengingu varmadælu við heimanetið

• Þegar NET og UNIT ljósin blikka á ca. 5 sekúndna fresti hefur tekist að tengja varmadæluna við heimanetið.

6. Setja upp varmadæluna í appinu

• Skiptið úr varmadæluneti yfir á heimanetið, opnið MELCloud appið og skráðið inn.
• Ef engin varmadæla er fyrir í appinu birtist vinstri myndin. Sláið inn MAC addressuna og ID sem stendur á WI-FI einingunni.
• Ef varmadæla er fyrir í appinu birtist hægri myndin. Veljið að bæta við varmadælu og sláin inn MAC addressuna og ID á WI-FI einingunni.
• Varmadælan er núna komin á netið og í appið og tilbúin.

Frumstilla WIFI eininguna á RW og RZ SUMO varmadælu

ATH: Við frumstillingu hverfa allar uppsetningar og er þessi aðgerð óafturkræf.

Ef einhverra hluta vegna ekki hefur tekist að setja upp tengingu eða heimanet breyst þá gæti þurft að frumstilla WIFI eininguna til að hefja nýtt uppsetningarferli.

• Slökkvið á varmadælunni með OFF/ON takkanum á fjarstýringunni.
• Haldið mínus-TEMP takkanum inni í ca. 5 sekúndur.
• Veljið _2 með því að ýta á + eða – TEMP takkana.
• Ýtið á OFF/ON takkanum á fjarstýringunni og þá ætti að heyrast 3 stutt hljóðmerki og þá ætti varmadælan að vera frumstillt.

Frumstilla WIFI eininguna fyrir varmadælu nema Sumo

ATH: Við frumstillingu hverfa allar uppsetningar og er þessi aðgerð óafturkræf.

Ef einhverra hluta vegna ekki hefur tekist að setja upp tengingu eða heimanet breyst þá gæti þurft að frumstilla WIFI eininguna til að hefja nýtt uppsetningarferli.

• Notið oddmjóan hlut til að halda MODE takkanum inni í rúmlega 10 sekúndur.